Kanpanilla-lora zuriari

Arbolak billox narru gorrian dagoz oraiñdik,

Marti illaren asierako egunean;

Kanpoa bere ez da oraindik asko abiau

Bizkortu eta pozgarritzera azalean;

Baña alan bere, Eguzkiaren errañu batek

Ikusi dot nik egun sentian ikutzean,

Batu baturik eukan kolkoa kanpanilleak,

Berealaxe zabal ipinten zan bestean;

Esan gurarik aurkitzen dala negu zitala,

Ill bear eta, estu baña ill eziñean.

Lora kolorga bakarlekuko onek dirudi,

Dala guztien aurretik jaio egin dana;

Txantxangorria txorrotxioka datorren legez,

Iragarriten Udabarria laster dala;

Ongi etorri zaite lenengo lora zuria,

Jarraitu beie zure atzetik urrenguak;

Apainduagaz landak, basoak, baita mendiak,

Zeintzuk daukazan negu gogorrak billostuak.