Peruren aholku bat

 

      Emaztetarik begiratzeko, hetara ez hain isuria, eroria eta gogoa egotzia egoiteko, on litzateke, zenbait aldiz, bederen, bakarrik zaudenean, gogoeta egitea eta zure baitan kontsideratzea, ea nolakoa, handia ala ttipia, luzea aia laburra den emaztetako plazer hura.

      Bada, frogatu duten guztiek batetan, eta boz batez, aitortzen, erraiten eta kofesatzen dute, plazer hura, plazer apurra eta laburra dela, hasi deneko akabatu dela; eta are batzutan hasi gabe ere akabatzen dela. Zeren plazer hartan berean ere, komunzki plazer baino desplazer gehiago edireiten baita.

 

P. de Axular, Gero, 1643