DON JUANEK

Zaldun gazteak! emen nago ni

zuek lez zaldun nintzana

gaztea aberatsa ta gauza aunditzat

neure burura neukana.

        Erri askotati zorien bila

        zabilzen gazte zaldun ederrak

        eskondu-artean izango dira

        zuen urratsak alperrak.

Mitxeletak lez nenbilenean

zoroik lora-inguruan

lirio baten usain gozoa

gelditu iatan buruan...

        Erri askotati...

Lo sor txar batek ezereztu eban

neure usain gozo laztana:

baina arrezkero, ai ze zoria!

barriz eldu da neugana.

        Erri askotati...

Orain betiko glorian nago

neure lirio ederragaz

zeinen usainak beti iraungo dau

amaitu barik leiagaz.

        Erri askotati zorien bila

        zabilzen gazte zaldun ederrak

        eskondu-artean izango dira

        zuen urratsak alperrak.