SAGUAK ETA KATUA

Sagu batzar bat goienen baten

pozik egoan artoa iaten

agertu artean bere bizarrak

        bertan katarrak.

Saguak igesi ebilzala

eldu zan txakur mosu zabala;

zeñek ebazan aginka azkatu

        amasei katu.

Saguak batu zirean gero

euken bilzurra igaro ezkero

isil isilik, ta zaratarik

        atara barik.

Alper ezeukan iñok koroia

baegoan nok egin sermoia,

eta asi iaken askor esaten

        berbaldi baten

Iaunak: isilik dabil katua

eta bear da topau modua

iakiteko artez negu eta udan

        katua nun dan.

Borreruari danon artean

biar litzake buztan-ertzean

imiñi laster arran txikia

        eta zolia.

Ainbat ariñen bear da ekarri,

onan bizia ioaku larri,

geutu daiguzan noizbat saguak

        geure buruak...

Erosi eben bai koskabillua,

an nor zan baña ain bioztsua

katu bateri lotuko eutsana

        inoiz arrana?