PEKATARI BAT IAUNAN AURREAN

Zeinbat ezker daukadan

Jaunari zer-emon

ta ez Beragaz aaztuta

nagoanez egon!

alper beti izan naiz ni

ezker gaiztokoa,

ona izan da neuretzat

beti Iaungoikoa.

Iru urte igaro barik

ikasi nenduan

Iauna bakarra zala

zeru ta munduan;

Beragan asi nitzan

ume sinistuten

eta Elizan da etxean

berari eskatuten.

Bost urteko nekizan

amar aginduak

laster Elizakoak

ta Sakramentuak;

gazterik au iakinda

(esaten naiz lotsa)

arimako gauzetan

beti izan naiz otza.

Zeinbat ni baño, Iauna,

obeak il dira!

Zeinbat ilteko orduan

dagoz gaur begira?

Zeinbat kadera bako,

zeinbat begi barik

dagoz eztireanak

gizonak... bakarrik?

Zeinbat guraso bako

nekatu gaisoak

dagoz munduan, Iauna,

ta zeinbat zoroak!

Zeinbat osasun bako

dagoz oe txarretan!

Zeinbat errurik barik

dagoz lokarrietan!

Osasunagaz bizi

bear egin da ian

zer da egotea baño

bizirik glorian?

Alan ikusiezkero

bakoitzak burua

esan lei: neuretzako

egin zan mundua

Bakarrik egin neban

geure Iaun aundiak

bizi leitezan bardiñ

gizonak guztiak,

eta egon bear geunke

eskerrak emoten

itxi barik egun bat

aaztu ta igaroten.

Iaungoikoan semeak

guzitok izanik

mundura gatozanak

artez beraganik:

ezker bakoak gara,

eztago zalantzik,

bizi garealako

au gomuta barik.

Guraso ikaste bako

txiroen semeak

eztaukaz magalpean

neu lez sinisteak.

Ta zerura ioan!

Ta neu infernura!

Zetako eztator beti

au neure burura?

Zer esango dau, Iauna,

erio nainean

arimeak, Zugana

eldu dainean?

Nok leukeen astia

Nok barbai-unea

Iñontzat ez isteko

Nutzako bidea

Zer esango dot Iauna

munduan aurrean

barrua agertutera

iatzi zaizanean?

Nun estalduko naiz ni,

ni Judas barria,

barru barik egoeran

agiri agiria?

Nora biurtuko dot

nik neure burua?

Nok orduan garbitu

nire oraingo errua?

Ai! ni pekatuaren

basatzen etzuna

nago gomuta barik

Erabagi-eguna.

Baña Iauna zu zara

neurri barik ona

gizon guztiak gaiti

bizitzea emona,

geu gordetearren

zagoz zu kurtzean

eta ezpei, arren, izan

neuretzat utsean.

Ama baten semeak,

Jesus, gareanak

biotz baten taupadaak

darabilz bionak

Zu neure biotzean

eta zurean ni

Mariagan batuta

Bizi gaizan beti.