BASERRITARREN ERROMERIA

Paskoetati negura artean

gazteak dagoz zororik;

uda-egunetan inok eztauko

santu izateko gogorik.

        Lagun gazteak, ez itxi udarik

        erromerian ibili barik,

        danbolin barik inoiz eztago

        adiskidezko eskontzarik.

Uda barriak etorrerea

zarrentzat dauko larria,

iruntzi ezinik euren alaben

iantzi barrien neurria.

        Lagun gazteak...

Erromerian gora ta bera

mutil gazteak dabilz poz

neska guztiak irribarreka

mutilen begira dagoz.

        Lagun gazteak...

Aurresku baten zer da ikustea

lenengo eskuen zinuak;

eta neskatxai begiratuta

atzeskuaren kinuak!

        Lagun gazteak...

Aurreskuari lagunduteko

da atzeskuen eskongeia;

ta atzeskuari aurreskuena

bardinduteko guztia.

        Lagun gazteak...

Itsu-soinuan dabiltzaz dantzan

errekan kaskailoak lez;

dirua kentzen da itsu-soinuan,

danbolinean bat bere ez.

        Lagun gazteak...

Dantzan egin da zaragi-ondora

ardaoa doaz edaten:

edan da gero binan alkarri

isil-kontuak esaten.

        Lagun gazteak...

Baltzez iantzita dagozan neskaak

dabilz erripa bateagaz,

ikusten euren biotzekoak

berbaz badagoz bestegaz.

        Lagun gazteak...

Etxerantzean usoak legez

doaz emeak eta arrak:

belu badoaz neskatxak, daude

zer-entzun aman gedarrak.

        Lagun gazteak, ez itxi udarik

        erromerian ibili barik,

        danbolin barik inoiz eztago

        adiskidezko eskontzarik.