BIRJINEN BESTETAKOTZ

O birjina sakratuak,

zuen oren sainduak

kantatzera noa, entzun

tzatzue ene kantuak.

Zuetarik Iaunak egin

zituen burasoak,

zuetarik adiskide

eta bere urkoak.

Birjinak lo egin zuen

Iaun onaren alzoan,

birjinak egotu ziren

gurutzearen ondoan.

Zuek izatu zarete

munduko zuhurrenak,

zuek Iauna puxantaren

martiri handienak.

Sala hurrezko horretan

pasaiatzen denean,

lehenak zuek zarete

bethi haren hatzean.

Zuek kantatzen duzue

beregainki airea,

zein ezpaita berze nihork

posible kantatzea.

Zuek zeruan tutzue

kadira hautuenak:

zuek gradu eta izen

guztien ederrenak.

Zuei eman zaizkitzue

bulute urrezkoak,

zuei eskuetan palma

ezin ihartuzkoak.

O birjina, zeruetan

aingeruen hurrenak,

zareten guri fabore

egitera lehenak.