Ama Birjinaren orenak

LARUNBATEKOTZ

eta haren bestaburuetakotz

O Birjina, bekhtore

guztien faborea:

adi zazu, othoi, zeure

orenen ahairea.

O Jongoikoaren Ama,

Zu zeroni bakharrik

gatzatu zinen Adamen

faltan kutsu gaberik.

Sorthu ziñen eskharririk

mundura bozkario,

zeren zure ganik behar

baitzen Mesias iaio.

Burasoek presentatu

ziñituzten tenpluan,

hirur urthe eta erditara

heldu ziñen orduan.

Handitu eta bihurtu

ziñen Nazaretera,

harat ethorri zitzaitzun

Gabriel salutatzera.

Handik sarri gero ziñen

ioan mendi barrena,

ikhustera Elisabet

zure kusin maitena.

Erdi ziñenean egun

berrogeiren buruan,

legearen konplitzeko

sarthu ziñen tenpluan.

Gero ethorri zenean

zure azken orena,

iaunak altxatu zintuen

zeruetan barrena.

Arren, bada, Semearen

eskuñean zaudena,

Haren gana zaren, bada,

ararteko xuxena.