INOZENTEN MASAKREAREN GAÑEAN

Inozenten Bestakotz

NOELA

        Herodesen nahasmenduaren gañean.

Herodesi ziotenean

erregeek galdetu,

ea Iuduen Errege

zein etxetan zen sorthu,

Izialdura zitzaion

bihotzera ethorri,

ustez behar zitzaiola

erresuma idoki.

Pensamendutan zegoen

gauaz eta egunaz,

ea halako gabetu

behar zuen fortunaz.

Gauaz ere egin zuen

amets, ezen khoroa

idokitzen zitzaiola,

bai eskuko zeptroa.

Egunaz ere ezin zuken

nihon errepausurik,

behin iaiki, gero etzin,

zabillan zoraturik.

Portaletan eman zuen

soldaduen guardia,

ea noiz itzuliko zenz

erregeen konpañia.

Maiz etxetik hetara du

mandatari bidaltzen,

ea eztiren gargoro

Betleendik agertzen.

Alabañan berze bidez

ia hek ziren bihurtu,

ezen aingeruak hala

zituen abisatu.

Hala Herodes penatzen

zen bere bihotzean,

iaun ikhusi nahi gabez

nior bere gañean.