PURGATORIOKO ARIMENTZAT OTHOITZA

Amuru Saindru Biharamunekotz

Iauna, urrikal bekizkitzu

arima defuntuak,

purgatorioko suan

ondikoz penatuak.

Konsidera zazu hekin

indar guztiz flakoa,

eta suaren tormenta

ezin pairatuzkoa.

Khar bizia sartzen zaie

sustantzia barrena,

penak aterarazitzen

daroela auhena.

Eztezazula permeti

gehiago han dauden,

aitzitik athera itzazu,

othoi, lehen bai lehen.

Zuri satisfakzione

egiteko indarrik

aithor dugu kreaturek

eztutela askirik.

Kontenta zaitea, othoi,

sofritu dituztenez,

aitziñera gehiago

usatu gabe penez.

Urrea suak duela

badakigu purgatzen,

baiñan berzeña arimak

purga etzatzu, arren.

Barkha dietzetzu pena

hobenek mereziak;

hala aurkhituko dire

purgatuak guztiak.

Zeronek ikhusten tutzu

nola leze beltzean

pulunpatuak daudezen

khar bizien artean.

Karzela izigarrian

daude hagorandurik,

bere libratzeko ezin

daditela obrarik.

Errezibi zatzu, othoi,

gure sufrajioak,

zeiñak munduan baikare

hekien ondokoak.

Labur diezezu, Iauna,

arren, bere ephea,

eta muga onez erakuts

zeure begitartea.

Egin diezezu, Iauna,

othoi, fabore hura,

asko berzeri ia egin

diozun eredura.

Guztiz ere egiezu

gure aitziñekoei,

ahaide, adiskide eta

berze gainerakoei.

Isur diezezu zeure

graziaren ihintza,

su beroaren diezen

iraungi khar bortitza.

Manatzatzu, othoi, hekin

aingeru guardariak,

ekhar dietzeten bere

librantzaren berriak.

Eta dietzakitzuten

presenta aitziñean,

pagurik lauda zaitzaten

dohatsuen artean.

Guri ere egikeguzu

laster fabore bera,

baldin erortzen bagare

lazeria berera.

Guk ere hekien balsan

Zu lauda zaitzakegun,

zeren hainbertze fabore

egin darokeguzun.