JESUS KRISTOREN
ZIRKUNZISIONEAREN

Urthe Berrikotz

NOELA

Ierusalengo apheza,

ilkhi zaite bidera,

ezen gure Errege heldu

da zirkunzidatzera.

Errege delarik nihor

ezta humillagorik,

ezen bildots emea bezain

heldu zaiku malkhorik.

Zeren humilki heldu den

ezazula mespreza,

baña aitzitik gehiago

albaitezazu preza.

Zordun ezten arren, nahi

du legea konplitu,

tenitu den guztiari

emateko exenplu.

Epheak iragatera

nahi eztitu utzi,

ezen iaio dela eztu

egunik baizen zortzi.

Jesus Kristo, egun hasi

zare odol isurtzen,

gurutzean nahi duzu

akhabatu xukatzen.

Gaur halaber nahi duzu

hartu zeure izena,

Jesus Kristo munduaren

Salbatzaillearena.

Hala erakutsiko duzu

noizbait habe gorean

gure amoreak gatik

bizitzea galtzean.

Linbo beltzetik ditutzu

arimak libratuko,

guztiei zeruetako

atheak zabalduko.

Aphezak, presta zazue

ederki aldarea,

bai kanibet eta bai plat

hartarakotz gordea.

Trata zazue Iaunaren

Semetxoa emeki,

gero ere sentituren du

dolorerik aski.

Ungi guarda etzatzue

hain reliki sainduak,

hei debozionerekin

egin zeuen botuak.

Aphezek Iainko-Semea

dute zirkunzidatu,

eta Jesusen izenaz

gero dute deithatu.

Haurra itzuli daroe

ekharri daroenei,

eramateko buraso

penetan zeudezenei.

Bere mari zioten

Jesus haurra bihurtu,

milla bozkariorekin

emak errezibitu.

Iauna, bedinka dadilla

zure izen noblea,

zeren eskutara baitut

neure iaio maitea.

Hunen absenziak guztiz

ninduen hagorandu:

ikhusteak berriz darot

bihotza allegeratu.

Berriz ere ditutzula,

Iauna, esker dobleak,

zeren boztu baititutzu

ene begi tristeak.