SAKRAMENDU SAINDUAREN GAÑEAN

Besta Berrikotz

BERZE KANTA

Ea, giristinoak, xahu

tzatzue athariak,

eta karrikara etxa

arrosa eta liliak.

Heda etzatzue longa

xuriak arroilletan,

tapizeria ederrak

halaber paretetan.

Etxe aitziñetan ifin

tzatzue aldareak,

eta hetan ere isensu

usain onez betheak.

Belhauriko iar zaitezte

eskoin esker herrunkan,

ezen pasatzera doha

Iaun handia karrikan.

Egun berezia ohi da

Besta Berri eguna,

sakramendua ohoratzeko

ordenatu zaikuna.

Ohora dezagun, beraz,

egun saindu hunetan,

kantatzen tugula kopla

hauk haren ohoretan:

«Jesus Kristo, zaudelarik

Aitaren eskuñean,

halarik aurkhitzen zare

ostia barrenean.

Osoan osoa zare,

bai osoa partean:

zure gorputza ezta hausten

hura hausten denean.

Begiaz etzakusagu

orhe konsekratuan,

esparantza dugu egiñen

zaitugula zeruan.

Orduan saziatuko

duzu gure begia,

anartean behar dugu

hartu pazienzia.

Halarik askotan zare

aldarean agertu,

sinhetsgogorrak nahiz fede

sainduan konfirmatu.

O Jainko Semea, zure

Gorputz preziatua

edireten da hostia

non baita sakratua.

Oriente, Okzidente,

Iphar eta Egoan,

zenbait ere aldare baita

mundu unibersoan.

Hartzaz gaituzu, iaun ona,

kreaturak bazkatzen,

zeure odol sakratuaz

halaber edaraten.

Geure faltaz dugunean

galdu zure grazia,

Zuk itzultzen darokuzu

hartzaz hura guztia.

Mahaiña diozu mundu

guztiari hedatzen,

digneki rezebitzera

bat bedera manatzen.

Onak eta gaixtoak ere

hartzen dute orobat,

nola argitzen baitaroe

iguziak orobat.

Onek iaten dute bere

arimaren onetan:

gaixtoek kontrata haren

daiñu eta kaltetan.

Banket handiak dituzte

erregeek egiten,

bere handigoak hetan

dituzte erakusten.

Ihizi billha daroe

gerla egiten xoriei,

eta ez sosegurik uzten

itsasoko arraiñei.

Hekin banketek eztute

hunekin ikhusterik,

zerengatik ez baitute

hek hazten arimarik.

Nektar eta anbrosiak

ohi ziren famatu,

hekien moianez ordean

ezta nior salbatu.

Mannak zituen sapore

ianhari guztienak,

Manna saindu hunek ordean

grazia guztienak.

Manna ian zuten iuduak

hil ziren desertuan,

hau ian duten dohatsuak

bizi dire zeruan.

O ianhari indartsua,

arren, ene bizia

gogoan iduki zazu

goza artean gloria.

Bekhokia agertua

han zaitut ikhusiko,

han darotzut ontasunen

eskerra itzuliko.