Sainduen orenak hekin bestetakotz

APOSTOLUEN BESTETAKOTZ

O Apostolu saindua,

zeure orenetara,

beharria, othoi, makhur

ezazu kantetara.

O saindu obedienta,

Jesus onak deitzean:

batheletik ilkhi ziñen

laster haren hitzean.

Ur bazterrean utzirik

sare eta sediña,

entzutera abiatu

ziñen haren doktriña.

Hain eskola sanduan sarri

egin ziñen iakintsun,

zeren baitzinduen dotor

adituena entzun.

Eta zeren harengatik

ziñen onez billuzi,

Apostoluen lerrora

zinituen hautetsi.

hala lehen zinelarik

urean arrantzaille,

gizon basatuen egin

zintuen atzemaille.

Haren dotriña zinduen

munduan predikatu,

haren amoreak gatik

zeure bizia galdu.

Zeruetako bidea

zinduen irakatsi,

zure exenplu onari

asko berze iarraiki.

Arren, bada, Elizaren

harroñ guztiz sendoa:

zeruetan zaren, othoi,

ene arartekoa.