Aurtengo estropadari
Txirritak jarriyak

              1

Milla beatzireun irurogei ta

amabigarren urtian,

estropada bat izandu degu

Donostiya'ko partian;

irabaztunak mesede zuten,

galtzallientzat kaltian,

ausuntu ortaz oroituko naiz

bizirik naizen artian.

              2

Nere lagun bat inguratu zait

gizon prestuaren gisa,

denbora pasa dibertitzeko

kantak jarri al banitza;

triste daudenak konsolatzeko

pensamentuan dabiltza,

aren gustua egitiâtik

baietz eman diot itza.

              3

Agur Pasai'ko San Pedrotarrak,

gora Manuel Arrillâ,

aita ta seme eta illoba

osatzen dira kuadrilla;

indar aundiko arraunlariyak,

patroia ere abilla,

Donostiya'ra lasai juan ziran

diru ta bandera billa.

              4

Orain sei bandera errenkaran

eta len bi ekarriyak,

San Juandarrakin soziyokua

an du Miserikordiyak;

beste txiki bat Tolosa'tika

ongi arturik neurriyak,

orrekiñ ere onra ederra

dauka Pasaiko erriyak.

              5

Lenbizikuan bere lanari

eman diyote segira,

jendia pozez egondua da

aldamenetik begira;

gero txalupak trukatu eta

mansotu zaie mugira,

dirua pranko galdutakuak

azkenekuan badira.

              6

Ondarrabiya'k Pasaia'ri ta

Donosti'kuak elkarri,

lauak txalupak trukatu eta

korajez ziraden jarri;

asteko seña egin zanian

mugitu ziraden sarri,

irugarren zan San Pedro baña

bandera berak ekarri.

              7

Biraje onian Donostiarrak

etorri ziran aurrena,

Ondarrabiya bigarren eta

San Pedro irugarrena;

nola oientzat tokatu baizan

txaluparikan txarrena,

uste zan baño nekexiago

sartu ziraden barrena.

              8

Pasai San Pedro'n egun orretan

gertatuko kasua

pixka batian etzait aztuko,

ementxen daukat jasua;

«Biba Manuel!» esanaz dantzan

larogei urteko atsua,

gazte denboran etzan izango

fandangolari mantsua.

              9

Lendabiziko lau txalupetan

etzagon jende narratsa;

bi bizkaitarrak egin digute

oso joera garratza:

biyak batian balizan buelta,

arraun-kolpia zorrotza,

lendabiziko zein etorri zan

etzan juzgatzen erreza.

              10

Aginaga ta Zumaya'k ere

egin dute alegiña,

ziran indarrak enpeñatuaz,

ori da apustu fiña;

guziyak ezin iritxi degu

altueneko tamaña,

atzetik neurtzen errezago da

aurretik etortzen baña.

Bertsolariya,

[1932-08?-25]