Bertso berriak
Txirritak jarriak

              1

Milla zortzireun larogei eta

gaude seigarren urtian,

bertso berriyak jartzera nua

euskara eder batian;

pelea aundiyak egin dituzte

pelotariyen artian,

Pedro Yarza guzien buru

probintziyako partian.

              2

Indaleziok dauzkan bentajak

nua kantuz esatera:

probintziyako plaza denetan

jarri ......... aukera;

partida firme zerratu zuten

iskribiturik papera,

Billabona'ko Mankubarekin

ez dira ondo atera.

              3

Indalezio eibartarra,

Bizente Elizegi bestia,

Pedro Yarza pensatu zuten

orien kontra astia;

nekatu gabe zerizkioten

partida irabaztia,

dituzten sosak galdu artian

eskarmentatu eztia.

              4

Suerte txarrak jo zualako

beso bat dauka moztua,

bañan bestia sano duala

obra da manifestua;

begiyak ernai, memori ona,

ankaz ibildun listua,

Billabona'n da probintziyako

pelotariyen maixua.

              5

Bizente Elizegi pelotarekin

ez da mutil aldrebesa,

ori bigarren jarriko nuke

ni baldin banitz jueza;

kuidado gabe egin liteke

orren anparo trabesa,

oiek ez dira tontuak baño

Billabona'n da cabeza.

              6

Premiatuak izandu ziran

Amerika'ko partian,

estimatuta ibilli zuten

kaballeruen artian;

ankaz listo ta begiyak erne,

beti koraje fuertian,

orrelakorik ez da atera

juan da larogei urtian.

              7

Plazan pelotan asten danian

ez du ematen itxusi,

baliyo zuen saiatutziak,

etzuan gaizki ikasi;

beso-motxa da aziyu ortan

Españiya'ko nagusi,

ez det gizon bat bizkorragorik

sekulan iñon ikusi.

              8

Urriko illak amar zituban

Bizkaia'n da probintziyan,

kontrariyorik gabe zebiltzan

pelotariyak Frantziya'n;

beste lan gabe ibillitubak

bere denbora guztiyan,

Billabona'ko beso-motz batek

laster konpondu zizkiyan.

              9

Llarrondo eta Zapaterua,

Txillarra zuten bestia,

oien moduko jokalariyak

Frantziya'n asko eztia;

Españi ontan pensatu zuten

desapiyoka astia,

bi enbaliyok portunatu da

oieri irabaztia.

              10

Batek begiya itxuba zuben,

besua motxa bestiak,

malezi asko dutelarikan

oraindik dira gaztiak;

onra aundiya eman diyote

partiduba irabaztiak,

oien anparo egin dutenak

ez daude gizon tristiak.

              11

Erreboteko lanian ere

badaki ankak dantzatzen,

ikutu gabe pelotarikan

plazan etzaio pasatzen;

bola bezela beti badabil

ala ere ez da nekatzen,

orrelakorik munduban zanik

iñork etzuben pensatzen.

              12

Pelotariyak duten bentaja

nua kontuz esatera:

noiznai deitu ta daramazkite

Amerika'ko partera;

iñork jokatu nai badiyote

ipintzen dute aukera,

erri batetik lau olakorik

sekulan eztira atera.

              13

Jende guztiya ikaratzen du

plazako bibotasunak,

nekatu arren laguntzen diyo

gorputzeko osasunak;

adelantatzen dijuazkiyo

diru eta ontasunak,

iru erreino bildurrak dauzka

beso batekin gizonak.

              14

Pedro Yarza ikasiya da

pelotarekin lanian,

joka-biriak egiten ditu

idiamentu onian;

Urriko illak ogei zituban

emendik irten zanian,

obiaguak jarriko dizkat

andik etortzen danian.

              15

Pedro nagusi atera zaie

pelotariyen artian,

emengo lanak eginda dabil

Amerika'ko partian;

ankak listo ta besua zorrotz,

beti koraje fuertian,

jeniyo orrek eutsiko diyo

biziya duben artian.

              16

Jose Emeterio Agirre

apelidua eta izena,

Billabona'ko pontian bertan

bataiatu zan gizona;

Pedro Yarza, egin ezazu

Lujanbio'ren esana,

ori da zure bertsuak jartzen

asko enpeñatu dana.

[1886]