Bertso berriyak
Txirritak jarriyak

          1

Galai bat etorri zait

prestubaren gisa,

bertso berri batzuek

para al banitza,

arrazoiaren bidez

nai duela mintza;

saiatuko nitzala

eman niyon itza.

          2

Aita bati bezela

esan dizkit itz bi;

oien despreziyuak

goguan daukazki,

kontrariyua pranko

izandu du noski,

tontua izan balitz

etzeguen gaizki.

          3

Dama gazte eder bat

ain gustagarriya,

berez naparra zan da

ununtz etorriya,

benta polit batian

serbitzen jarriya,

eta Astiarraga

deitzen da erriya.

          4

Diz-diz egiten zuen

izar baten gisa,

biartu nuan eta

eman zian itza,

esanaz: «Beste danak

alperrik dabiltza,

zuk dadukazu nere

zarrallaren giltza».

          5

Etxian da kanpuan

tabernan t'elizan,

bi urtez zaitu zaitut

zu nola zabiltzan;

beste aitzakiyarik

ez dezu deus izan:

piska bat mudakorra

gaur askoren gisan.

          6

Lenengo erromeriya

Astigarraga'n zan,

beste mutill batekin

auntzian juan zan;

alkar billatu degu

beriala plazan,

beste sobranti ori

an zebillen saltsan.

          7

Bentako tabernatik

lenengo auzua,

an eztu mutill batek

jeniyo gozua;

biyotz gogorrekua

t'eskandalosua,

arretxek tira ziyon

neskari basua.

          8

Ze pikardi izan zan

nua esatera:

autsi ziran basua

ta iru platera;

neskatxa erne zegon,

makurtu zan bera;

gaxua, justutikan

eskapatu zera!

          9

Ori da izatia

jeniyo torpia!

Mostradorian tira

zeniyon kolpia;

arrek deitu baziñu

biar dan tokia,

seguru zan luzaro

preso egotia.

          10

Beste bat auzokua,

sujeto zuzena,

ni ill biar nauela

askotan esana,

neskatx orren nobiyo

lenago izata,

arrua ta koraje

gutxiko gizona.

          11

Bentako iturriyan

illunabar batez,

neskatx ori ikusi det

aspaldiko partez;

izketan egon giñan

biyak borondatez,

ez degu ezer esan

iñorentzat kaltez.

          12

Bire-baztar batian

an zegon gordia

makilla motz batekiñ,

aiñ zan kobardia;

buruan jota kendu

nai zian kordia,

neoni ere lotan

ez negon ordia.

          13

Itza eman bazizun

orri egin kaso,

ez neri kulpa gabe

makillarik jaso;

nola izandu geran

lagun eta auzo,

barkatzen dizut baño

gaizki dago oso.

          14

Beti guri segika

baserri ta kale,

beste lagun batzuek

bazituen alde;

bi kolpe eman dizkat

ukabillaz dale,

andik aurrera etzan

okasiyo-zale.

          15

Ni baño larriyago

ezkontzeko bera,

zorrotz galdetu ziran:

«Noiz egiñgo gera?»

«Oraindik lazu ortan

ez nua sartzera,

nai dezun martxa artu

presaka bazera».

          16

Orra .............. k'

aunditxua lertu,

ojala izar ori

ez balitz agertu!

Ba-ezpada ez nitzan

aurreregi sartu,

oraindik libre dago,

nai dubenak artu.

Bertsolariya,

[1932-02-14]