Bertso berriyak
 

              1

Bertso berriyak jartzera nua

euskera eder batian:

Altzibar ortan zer pasatu dan

lau mutikoren artian;

makillarekin preparatuta

jarriya zegon atian,

bañan apenas lurrera juan zan

ark emandako golpian.

              2

Anaiarekin elkar artuta,

ateria zan etxetik,

makillarekin golpia tira

lendabiziko itzetik;

dudarik gabe asiko ziran

derrepentian iltzetik,

bañan oraindik bizi omen da

egun ortako gaitzetik.

              3

Sesiyuaren asiyerako

pasadizuak oik dia:

tabernatikan atera eta

makillarekin golpia;

mesede-ustez asi zan eta

etorri zaio kaltia,

intentziyua badauka baña

abillidade-paltia.

              4

Erri guziyak famatutzen du:

«Oso mutiko ona da!»

Zoraturikan jarriya dago

orrek dadukan sonara;

makilla artu eskuan eta

egin du zenbait jorrara,

intentziyuak eztu baliyo

abillidadeik ezpada.

              5

Tabernatikan atera eta

makillarekin zan asi,

anaiak ere okabillakin

bazuen naiko pantasi;

Otarres ere baztarretikan

nola zabiltzan ikusi,

golpia tira muturrera ta

laster juan zan igesi.

              6

Etxe batetik izan biar zun

kasikan famili dana,

gauzen guardiyan gelditu ziran

arreba gaztia ta ama;

Oiartzun ontan lengo denboran

arrikariyak izana,

lastima orain artu biar degu

makilkariyaren pama.

              7

Etxi ortatik bai omen ziran

gutxinez sei kontrariyo,

graduak ola irabaziyaz

altura nai zuten iyo;

beren buruak azaldutzera

juanak ziran propiyo,

danak batera salduta ere

duro bat eztue baliyo.

              8

Sudur aundi bat izan biar du

partitzen ibilli zana,

ipurdiz oso bajua da ta

bizkarra're eztu zuzena.

Erri batian buru jartzeko

ai zer nolako gizona!

Kargu artzeko beldur ezpanitz

esango nuke izena.

              9

Kuarteletan ta Kontzejuetan

egon biaute soziyo,

negonek ez det ikusi baña

jendiak orrela diyo;

kapitanakin itz egitera

juanak ziran propiyo,

saiatu-faltik etzuten baña

kukuak oker jo diyo.

              10

Aieka obetan sortutzen dira

olako gizon-klasiak,

oraindik ere aitatzen dute

apenas dauden asiak;

zortzin bat egun izan biaitu

kuartel-iskiñan pasiak,

oiek gezurrak dirala neri

alperrik esango ziak.

              11

Preparatuta etorri ziran

izugarrizko kuadrilla,

bertan naikuak izaki ez ta

ausiliyuaren billa;

Otarres orren etxian dago

orren orduko makilla,

kargua artu nai duenik bada

nigana etorri dedilla.

              12

Oiartzun ontan sortu dirade

lau basa-gizon berriyak,

berenak aski ez dituztela

ze kalte duen erriyak!

Makilletako moztu dituzte

mendietako elorriyak,

Aldura zarra kejatzen bada

aientzat daude gorriyak.

              13

Amalau bertso euskerazkuak

nai dituenak kantatu,

papera obetan ala ez danik

iñork ez du apuntatu;

sesiyorikan nai ez duenak

gezurrikan ez kantatu,

berak ordañak atera bear

ezpadirade kontentu.

              14

Aieka obetan nai badituzte

gauza oriek ikasi,

eskolarikan duenik bada

papera oiek ikusi;

bertso berriyak atera ditut

nai dituztenak erosi,

laster saldutzen asiko dira

beren otarre ta guzi.