EZTILLARGI

                Lagun bati ezkondu zanean

Jeiki ta laister berri-on bat gaur

goizean eman dirate

esanaz nola egiten zeran

zeru puska baten jabe;

bejondeizula!; ez det egon nai

ixillik aitortu gabe

zenbateraño alaitu naizen

jakin-da berialaxe.

Ez det ikusi, gordea dago,

zure maitetxo pontzela

euskal-basotan landare batzuk

egoten diran antzera;

bañan usayaz lore gorde bat

ezagutzen dan bezela

igartzen diot ikusi gabe

zer izan liteken bera.

Biotz on batek ezin lezake

maita bere diñ ez danik

eta lur ontan ez da zuk baño

leyalagua dubenik.

Orrengatikan opa dizuet

nerearen bar-barrendik

eztillargi on betea izan

dezazuela gaurtandik.