ORDAÑAK

                Llorente'tar Jose-ri Cuba-tik berak

                bialdutako eskutitzaren ordaña

Zumarditxoan bakar-bakarrik

exerita negoela

zori leun ta gogorrak naste

biotzian nituela;

begiraturik kea banatzen

bizitz labur au bezela

t'arbol gañetik osto bakanak

lurrera zijoazela 

zure berri on alaigarriyak

uste gutxina nubela

atsegiñ aundiz bete ninduen

irakurri ta berela.

Ez dakit berriz noiz nezakean

aspertsu egonik ala

orduan ainbat zorion senti

gogoraturik zerala

beti-betiko lagun maitea,

betiko lagun leyala,

nigandik urrun egon oi gatik

alboan zaruzkatana.

Joxe, nik orain esaguturik

zor txiki bat dizuala

alegiñian emen ari naiz

zerbait esan nai detala.

Gogoz eskeintzen dizutan lan au

amaitutzera nuala

baxter ontatik bialtzen dizut

besarkera bat zabala

ordaingarritzat euki dezazun

lagun zar baten laztana.