MENDIKUTE

                Erniyo-ko magalian gaztelu-antzera

                dagon mendi-zut aizkor bat

Zelai-txiki-aldeko

arkaizti batian

Mendikute jayo ta

gallendu zanian

osagarri guziak

bazitun noski an

Erniyon bularreko

itur ugarian

ta sortzez berak zuben

alaitasunian.

Zut-zutik oso goronz

egoki jasua

euskaldunen zaindari

ernai ta zintzua;

berak arrazten digu

oldekai berua

ziñez maitatutzeko

gure lur dontsua

beste geyenak duten

kutsu gabekua.

Milla zortzireun eta

larogein-bat urte

izango da kondaira

egintz onaz bete

zigula geroz aztu

ez gendin ill arte.

Etzuten ez Tiber-ko

arrotz aiek uste

Lartaun ez arkitzerik

eta Lekobide.

Gudalarien mendi

zorrotz ta goitiya,

baso-mutil sendoen

billera-tokiya;

arkaitzak berez duan

iraupen guziya

daukazun gaztelu zar

agitz ta zutiya:

untzez jantzirik zure

oñ eta gerriya...

zu zera Eusko zarren

aintz-gordelariya!