GOGALDIA

                Zestona-ko euskal-festak ziran egunean

                bazkari ondoren esandako neurtitzak

Euskel-erriyan euskera beti

goitutzea nai degunak,

lur ontan jayo t'azi geranak,

itz batean, euskeldunak,

euskeran alde leikor bireztu

ditzagun eginkizunak.

Emen zaudeten argidotarrak,

emen gaur diran iztunak,

ama garbiya besarkatzera

etorri geran lagunak

izan gaitean berarentzako

seme leyal ta kutunak

alai argitu ditezen berriz

atsegiñezko egunak.