BEJONDEIZUTELA!

                Tolosa-ko abeslari sarituai Irun-go Euskal-Jayetan

Itz egokiaz bertatik emen

oroimentxo bat apaña

ager nezake baldin baneuzka

itzak gogo detan aña.

Jaso dezuten garait-saria

abestu nai nuke, baña...

biotz planta izanagatik

utsa da nere mingaña.

Bi urte laister izango dira

zuek asi ziñatela

aldapa gogor eta luzean

igotzen tontor aldera;

geroztik erruz gora ta gora

ekiñik beti bezela

gaur bide gutxi darukazute

irixteko gaiñ-gañera;

ia mutillak! beste apur bat,

ez begiratu atzera,

ez derilla beiñ bat-bakarra-re

amildu zulo-aldera;

zabal zazute Euskal-mendiko

tontor gañean aizera

Irun-dar onak ikusi duten

goi-zapi edo bandera.

Agur tolosar abeslariak,

agur... bejondeizutela!

                                1903-ko urtean