Zer den Orazione mentala

BERROGOI ETA BORTZGARREN
KAPITULUA

        Orazione mentala da gogoaren Iainkoaganako alxatze bat desiratzen den gauzaren berariazko edo bertzenazko eskatzearekin.

        Berariazko eskatzea egiten da, noiz ere bihotzeko hitzez Iainkoari baigagoska grazia baten eske hitz hautaz edo hunelakoez.

        Ene Iauna, ene Iainkoa, indazu grazia hura zure ohoretan eta loriatan. Edo hunela.

        Iauna, zinesten dut plazer duzula eta zure loria dela eskanakizun eta ardiets dezadan grazia hura; konpli zazu bada orai zure plazera ene baitan.

        Eta zure etsaiek peleatzen zaitusten orduan berean othoitz egizu hunela: Lehia zaite, ene Iainkoa, niri laguntzera, ene etsaiei leku eman eztiezedan. Edo, Ene Iainkoa, ene ihez-lekua, ene arimaren indar bakhoitza, laster hel zakiskit, eror ez nadin.

        Irauten badu guduak, zaude zu ere bethi horrela othoitz egiten, bethi gizon-giza buru egiten derauezula guduztatzen zaitustenei.

        Guduaren borxa ioan dadinean, itzul zaite zure Iaunagana, erakuz diozozu guduztatu zaituen etsaia, eta hari kontra egiteko duzun flakotasuna, erraiten duzula.

        Huna Iauna, zure kreatura, zure eskuetako obra, zure ontasunagatik zure odol preziosaz berrerosi duzuna: horra zure etsaia zuri zure kreaturaren eramaitera eta iretstera khexatzen dena. Zuregana, Iauna, egiten dut laster, zure baitan fida naiz, nola guziz ona, eta guziz botheretsua baitzare, eta nola baitakusazu ene indargabez lasterka noala neure oldez haren azpiko iartera heltzen ezpazaiskit. Lagun zakiskit bada, o ene esperanza, eta ene arimaren indar bakhoitza.

        Eskatze birtuala edo bertzenazkoa da, noiz ere nihork alxatzen baitu gogoa Iainkoagana zenbait graziaren ardietsteko, hari bere beharra erakuzten dioela bertzerik erran gabe.

        Konparazionera, noiz ere gogoa alxatzen baitut Iainkoagana, eta haren aitzinean ezagutzen baitut eztudala indarrik, dela gaizkitik begiratzeko, dela ongiaren egiteko, eta haren serbitzatzeko desiraz irazekirik bethi begiak baitadutzat Iaun haren gainean beha eta beha nagoela noiz helduko zaitan: Iainkoaren aitzinean horrela pitzten den ezagutza, desir bero, eta fedezko akzione hura da othoitz bat birtualki, erran nahi da, bertzenaz eta bertzelakotz bezala nik behar dudan bertutearen eske dagoena: eta zenbatenaz ezagutza hura klarago eta garbiago, desir hura irazekiago, eta fede hura biziago izanen baita, hanbatenaz indar geiago izanen du othoitzak.

        Bada oraino bertze orazione birtual suerte laburrago bat, zeina egiten baita arimaten Iainkoaganako behatze batez, hel dakigun amoreagatik, zein behatze ezpaita bertzerik othoitze ixil eta lehen eskatu ginen graziaren hitzgabeko eskatze bat baizen.

        Enseia zaite othoitz suerte haren ongi ikhastera, eta hartaz familierki usatzera, zeren experienziak erakusiko derautzun bezala, okasione eta leku guzietan ahal dukezun arma da balio eta serbitzu geiagokoa, ahal derrakedan baino.