Demonioak dadukan trazaz,
peleatu eta enganatu nahi dituenean,
hala bertuteari darraiskonak,
nola bekhatuaren sehitasunean
iadanik iarri direnak

HOGOI ETA ZAZPIGARREN
KAPITULUA

        Iakin behar duzu, ene alaba, demonioak eztuela bertze gogoetarik egiten, nola galduko gaituen baizen, eta eztuela guziekin manera beraz gudukatzen.

        Eta hasnakizuntzat heren gudu, antze, traza eta arte batzuen deklaratzen, begien aitzinean emaiten derauskitzut hainitz thaillutako estatuak, zeinetan kausi ahal baititeke gizona.

        Batzu edireiten dira bekhatuaren sehitasunean, gogorik bat ere heldu etzaiela hartarik libratzeko.

        Bertzeek nahi lukete handik libratu, bainan etzaisko obrari lotzen.

        Batzuek uste dute bertutearen bidean dabiltzala, eta bizkitartean hartarik urrun doaz.

        Bertzeak finean, bertuteak ardietsiz gero, kalte eta peril handiagorekin erorten dira.

        Hetaz guziez minzatuko gara beregain.