AZERIA ETA MATSAK

Zintzillika daudela,

ditu azeriak

ikusten mats-mordoak,

eldu ori-oriak;

jartzen da begiraka

gaisoa goseak,

badabiltzkio tripak

jateko zaleak.

Saltoka asitzen da

alegin guztian,

ordu bian badabill

ezin iritxian.

Ikusi zuenean

ez zala protxurik,

matsai esan zien,

begia jasorik:

«Zaute, zaute, mordoak,

zaute osto-pean;

ez zerate oraindik

jarri sasoiean».

Zerbait nai eta ezin

badegu iritxi,

azeriak bezela

bear degu utzi,

«Zaude, zaude —esanaz—,

zaude or berean,

zergatika ez zera

jarri sasoiean».