SUGEA ETA LIMA

Ortzka ari zitzaion

sugea limari,

limak esaten zion:

«Alferrik aiz ari;

ez dik ezer balio

ire alegiñak,

kamustuko dizkiat

ortz eta agiñak».

Kasorik egin gabe

ari zaio ziñez,

«Ez at —dio— utziko

ortzetako miñez!».

Berandu baña noizbait

duke ezagutzen

ortzak dijoazela

guztiak kamusten.

Uzten dio limari

txit damuz, esanik:

«Askoz indar geiago

nik baño daukak ik».

Erokeri andia

oi dek, nerekiko,

akulloa jotzea

bortizki ostiko.