TXIMUA LOTSATURIK

Egazti eta arrai,

abere guztiak,

deitu omen zituen

Jupiter andiak,

eta esan zioten

far irriarekin:

«Zertarako zatozten

beazute jakin:

umerik ederrena

dakarkidanari,

emango diot nik gaur

lepande bat sari

zillarrezko letretan,

esaten duena:

Guraso guztietan

au dek abillena».

Badijoaz lasterka

guztiak etxera,

beren umeak artu

eta ekartzera.

Biurtutzen dirade

guztiak batetan,

dituztela umeak

beren bizkarretan.

Tximuak erakusten

du bere umea,

jaio berria eta

gañera emea.

Jupiter asitzen da

eztanda egiten,

duenean alako

figura ikusten.

Lertu nai dute ere

abere guztiak

farraz eta algaraz

txiki eta andiak.

Tximu gaisoa arras

zaiote lotsatzen,

eta da Tetuana

iges andik joaten.

Nolatan atrebitu

zan eramatera

ume itsusi ura

guztien aurrera?

Zergatika ez oi da

ume itsurik,

bere gurasoentzat

ederra ez danik.