Hautsak errautsa bezain
Itxaro Borda
Maiatz, Elebi 6, 2002ko azaroa

Ba daki engoitik

Lurpeko erreka baten antzera

Bakarrik ibiltzearen izua noiz nahi jaukitzen

Ahal zaiola.

Malkoak idortzen dizkiola

Erraten dio:

        Mundu bukatua da zurea.

Ibaiak muga eta amodioak sari

Dauzkan lurraldekoa

        Zara.

Ihes egizu.

Deituko zaitut egunero.

Lagundu nazazu bizitzen.

        Mugarik gabe.

Hautsak errautsa bezain

        Maite duzuna

Ezbai urratzen den

Irri urdinik gabeko

        Orain gosearen hazteko

Lur beltz bilakatzen

        Ikusten duzu.

        Mugarik gabe.

Lagundu ezazu bizitzen.

Hautsak errautsa bezain
Itxaro Borda
Maiatz, Elebi 6, 2002ko azaroa