Hautsak errautsa bezain
Itxaro Borda
Maiatz, Elebi 6, 2002ko azaroa

Bere sakontasunean Oinazea

Gatiba ez dezakeen ibai

        Hantuaren neurrikoa

Zarela dio

Irri xehea begietan

Dabilan gizonak,

        Erantsiz:

Ahanztearen itsasora

Hain laster jariatzean ez du

Oinaze garatzeko

Astirik ere.

Bizitza, dio oraino, derrigorrez

Ahantzi beharrak

Hazitako amets gaiztoa da.

        Beso artean

Hartuko zaitu,

Goizalde

Arrosaren aiduru.

Hautsak errautsa bezain
Itxaro Borda
Maiatz, Elebi 6, 2002ko azaroa