Hautsak errautsa bezain
Itxaro Borda
Maiatz, Elebi 6, 2002ko azaroa

Ibairik urrunenaren hats zurian

Itsasoaren gazia

Sentitzen da

        Belarrak, harriak eta ur

Etsiak oro uhin madarikatuaren

Hagunezko presentziaz gaztigatzen

Dituela.

        Argi zahagiaren pean

        Li Bai

Abandonuaren ardoa

Hurrupatzen ari da:

        Zergatik oldar

Itsasoaren gazia

Sentitzen baldin bada

        Antzera basen hegaldi eta

Herdoilez gatibatu lantegi ohien

Ateetako krisketetaraino?

Nork

Entzungo ninduke

Aingeruen manuz

Oihu egiten baldin banu?

        Galdatzen du

Rainer Maria Rilke gogoan

Hautsak errautsa bezain

        Maite duzunak.

Hautsak errautsa bezain
Itxaro Borda
Maiatz, Elebi 6, 2002ko azaroa