Hautsak errautsa bezain
Itxaro Borda
Maiatz, Elebi 6, 2002ko azaroa
Desertuaren bihotzak askatu
Hego haize beroak
Begitartea
Erretzen dizu,
Itsas airearen hats gaziak
Ibaiaren azala
Zimurretan su gai egiten duen
Bezala.
Itsas aire eta hego haizeek
Barnealdeko
Aran sakonetako
Sahats liliak
Barreiatzen dituzte
Hazirik hazi
Biharra erein asmoz.
Oroitzen zara
Li Baiek sahatsaren eta arratseko
Desira hatsaren ezteiak
Ospatzen zituela arraiki,
Eta ikararik gabe
Mezua
Uzten duzu.
Hautsak errautsa bezain
Itxaro Borda
Maiatz, Elebi 6, 2002ko azaroa
