Hautsak errautsa bezain
Itxaro Borda
Maiatz, Elebi 6, 2002ko azaroa

Ur txiripa bakoitza

Bere mendi arteko aska meharrean

Isurtzen da

        Garden, bihurri eta hotz,

Bakuna dela ustez.

Ez daki azken finean urak

Itsaso beilegian

Urtuko zaizkiola:

        Jakin nahi ote du?

        Absolutua frankotan

Indar itsuaren antzera,

Ezjakintasun nagiaren ondorioa dela

Erraten dizu,

        Begiez

Kliska urdin eginez eta

Nehoiz ez geldi

        Gomendioka urtuz.

        Ez geldi,

        Non ez den

Aldaketa etengabearen bezperan

Ibaiak zein lainoki biltzen diren

Miresteko.

Hautsak errautsa bezain
Itxaro Borda
Maiatz, Elebi 6, 2002ko azaroa