Hautsak errautsa bezain
Itxaro Borda
Maiatz, Elebi 6, 2002ko azaroa
Bata bestearen ondotik zubiak
Pasatzen dituzu
Daroan ibaiari amoltsuki beha:
Gaueko azken argi herbalak hil aitzin
Zubi perfektuen oin eta arkuen itxura malinak
Zenbat ditzakezu uraren azalean.
Zu bezain bakar dabilen gizonak
Otoizten zaitu:
Uraren azalean hedatzen eta
Zurea ez den
Irudi horri ihes egiozu.
Erraten dizu halaber:
Egizu ihes oraino,
Itzal higikorrez alda zorian
Irudi zehatza ukatzen zaizulako.
Uharte izatearen bila
Urrikal ezinezko bultzadaz itsasora
Eroaten zaituen
Haren itzala bihurtua zarela
Onartu ezazu engoitik.
Hautsak errautsa bezain
Maite duzu
Baina ez dakizu nor.
Hautsak errautsa bezain
Itxaro Borda
Maiatz, Elebi 6, 2002ko azaroa
