Hautsak errautsa bezain
Itxaro Borda
Maiatz, Elebi 6, 2002ko azaroa

Ordu txikietako haize

Mehearen erara bazabiltzala

Etorrerako zure urrats

        Arinaz arima duda arazi

Diozula

Uste ote duzun

        Eskatzen dizu.

Rainer Maria Rilkeren aditzak

Inguma herbal airatzean

Eta goizeko Palombe Bleuea

Itseskatzen denean burdinezko

        Zubiaren oin juntak

Ikara dabiltza.

Razna eta Taganroga untzi geldoei beha

        Ulertuko duzula dio:

Galerna sumin etengabeki jasan ordez

Ibai ertzean zutitzen diren

Harroin zahar herdoilduei

        Soka lodiz loturik

Geratzea hobesten da noiztenka

        Bakearen oreka

Ez hausteagatik.

Entzun nahi zaitu.

Deitu ezazu egunero.

        Antzera basen hegaldia

Pentsuaren gidari dabilkio

        Gaurkoan.

Hautsak errautsa bezain
Itxaro Borda
Maiatz, Elebi 6, 2002ko azaroa