Hautsak errautsa bezain
Itxaro Borda
Maiatz, Elebi 6, 2002ko azaroa

        Gogoratu zara

Laharrek jada irentsi eta

Urrikirik gabeko uhar geziek hirotu

Zurezko zubi hartan lehen aldiz

        Haur mukuzu zinela

Eta suge gorriaren soak

Gatibatu zintuela:

Zenbat denbora

Egon zineten orduan

        Geldo eta mutu

Elkarri begira?

Uharan umilaren hegietarik,

        Izar ihintzak busti belar eta

Intha hezeetan barna

Ibiltzean

Suge itsu haren soaz

Oroitu zara:

        Ezten zuzen eta zehatzaz

Zain melengak daldara araziz

        Amodioaren

Pozoia txertatu dizu.

Zenbat denbora

Egonen zarete oraino

        Geldo eta mutu

Elkarri begira?

Hautsak errautsa bezain
Itxaro Borda
Maiatz, Elebi 6, 2002ko azaroa