Hautsak errautsa bezain
Itxaro Borda
Maiatz, Elebi 6, 2002ko azaroa

Ibai hegian eguna altxatzen

Ikusten duzu:

Ekia jazarri berrian

        Zerua hain da beltz eta goibel

Non ez dezakezun jakin jazartzen doan

Egun hau ilunbeetara kondenatua den

Ala argitasunera hitz emana.

Euriak begitartea larrutzen dio

Eta gogoratzen da

Hautsak errautsa bezain

Maite duela

        Aitortuaz:

Jazartzen ari den bizitza uher hau

Ilunbeetara kondenatua ala

Argitasunera hitz emana den

Ezin da erran.

Euri ttanttak bezala

Malkoak erortzen zaizkiola

Ohe zimurtua bustiz

        Idazten du

Li Baiek,

So dagokizula.

Hautsak errautsa bezain
Itxaro Borda
Maiatz, Elebi 6, 2002ko azaroa