Hautsak errautsa bezain
Itxaro Borda
Maiatz, Elebi 6, 2002ko azaroa

Ilargiari begira ibai zokilaren ertzetan

        Li Baik,

Zu haina haserre eta nora ez,

Olerkirik ederrenak

Idatzi zituela baiesten dizu:

        Izu eta beldur muturik

Ezagutzen ez duen desertuaren sabeletik

Jariatzen den ibai dudakorra

        Ez doa

Itsasora ihesi,

Baizik eta

        Haren bila.

Euriak begitarteak zaflatzen

Dizkizuela

Oihukatzen diozu

Ez duzula sekula deus ere endelegatu:

        Ihesi ekilearen ondorio

Zuzena bilaketa dea?

Orduan

Atzeman nauzu

        Dio eletik

Eztia dariola.

Hautsak errautsa bezain
Itxaro Borda
Maiatz, Elebi 6, 2002ko azaroa