Hautsak errautsa bezain
Itxaro Borda
Maiatz, Elebi 6, 2002ko azaroa

Bakanetan, errekak

        Sentitzen du

Ur bizi partikularraren ezaugarriak

Ez zaizkiola urtzen

Ibai handiagoetarik itsasora

Lehiatzean.

        Ibaiaren erdi erditik

Isuri indarraren geriza seguruan

        Lasterrean joan daiteke

        Edo

Ahultasuna azalean txerto

Bazterretako sarraski guztietan

Kolpeak biltzen.

        Ibiltzea onartzen duzun ber

Hautu bakoitzarentzat hainbat bide gurutze

Irekitzen ahal zaizkizula

        Dio,

        Horrelako ezintasunaren aitzinean

        Li Bai irriz karkailaka lehertzen den

        Bitartean.

Hautsak errautsa bezain
Itxaro Borda
Maiatz, Elebi 6, 2002ko azaroa