Hautsak errautsa bezain
Itxaro Borda

Maiatz, Elebi 6, 2002ko azaroa

 

        Ortze grisa

Bortu orlegiekin ezkontzen den

Barnealdeko aran eskasetarik

Datorren haizeak

Elur urrina du.

        Gogoan dauka mendeak

Desjabetze zirenean,

Arrailtzen zihoan Herrialde

Zilarreko karriketan Li Bai gurutzaturik,

Grebarako deiak zabaltzen,

Langabetu berrien

Ezpain lahardikatuak

        Hitzaren eta ardoaren

Mikatzaz gozatzen,

Mundu mineralak zizelkatzen.

 

Iheserako azken harpeak

Suntsitzen dizkidatenean aterbe

Seguruena zaitut zu,

        Aitortzen diozu, herabe.

        Ihardesten dizu:

Egizu Rainer Maria Rilke bezala,

Ikas ezazu ahanzten

        Eta irudiak biderkatzen.

 

 

Hautsak errautsa bezain
Itxaro Borda

Maiatz, Elebi 6, 2002ko azaroa