Hautsak errautsa bezain
Itxaro Borda
Maiatz, Elebi 6, 2002ko azaroa
Li Baiek, hordi mendi musker,
Erraten dizu
Rainer Maria Rilkeren eleak
Oihar:
Itsas ahoko ur sokil haren hegitik
Lasterrez munduratzen hasiz
Geroztik idazten ditudan
Olerkiak musikalak
Harrapatzen dizkidate.
Dio halaber
Bakartasunaren dolorea
Bihotzetik
Ez zaiola nehoiz hain zilar
Jauki eta herioaren tentazioa
Urratsaren atabal
Kolpe atera.
Dio oraino
Aldaketa sakonen zama bidean
Lagun Hurbilik gabe ibiltzearen
Erruz aditza silex mineral
Minbera
Bihurtu diola
Bakartasunaren doloreak.
Dio azkenik
Zoriona zer den
Ez dakiela.
Begiak hersten dituzte eta olerkiak
Zinez musikalak kausitzen:
Bakartasunaren dolore soinua
Entzuten ote duten
Galdatzen dizu.
Hautsak errautsa bezain
Itxaro Borda
Maiatz, Elebi 6, 2002ko azaroa
