Hautsak errautsa bezain
Itxaro Borda
Maiatz, Elebi 6, 2002ko azaroa
Ibaian
Ilunbeak daroan ezerezaren ura
Dela amesten du,
Pairatzen ez duen gorputz likido bat
Edo sukalde izoztuetan
Gosearen belaunaldiek
Ogi bila joan aitzin ostikoka
Barreiatu duten suteko
Ilaun zurpaila.
Li Baiek bihotza handi dauka:
Jauregitik bota zuten
Gauerdian ilargiak
Zeukan trufa mentsaren
Airea
Gogoratzen du
Berak ere.
Deitu ezazu egunero.
Lagundu ezazu bizitzen.
Hautsak errautsa bezain
Maite du orain.
Hautsak errautsa bezain
Itxaro Borda
Maiatz, Elebi 6, 2002ko azaroa
