Hautsak errautsa bezain
Itxaro Borda
Maiatz, Elebi 6, 2002ko azaroa

        Zirikatzen zaitu:

Zergatik balio du

Adiskiderik ez duen izakiak

Herio orduan nehor

Ez baldin badauka negar gazi

Apurren

Isurtzeko?

        Martxoko zeru grisean

Antzera basak iparraldera

Bideratzen direla

        Ez dakizu zer erran:

Adiskiderik ez duen izakia

Bihurtua zara jadanik

Eta gaur

Bakardadea

        Pairamen zaizu.

Herio gutizia daukazu baina

Ez duzu oraino

Nehor atzeman zure alde

Ur negar gazi apurren

Isurtzeko.

Begiak

        ibaira

Apaltzen dituzu.

Hautsak errautsa bezain
Itxaro Borda
Maiatz, Elebi 6, 2002ko azaroa