Hautsak errautsa bezain
Itxaro Borda
Maiatz, Elebi 6, 2002ko azaroa

Urezko gauaren erran nahia ematen dio:

Noiz bizi izan zara herrarik bilatu gabe?

Nehoiz ez maitatua eta mendekuz bezala

Besteen begietako larderiaz handitu zara,

        Beste, mukuzu.

        Sua nintzen, diozu harro,

Eta zirrinta urdina suntsi nezakeen.

Baina berriz ere ibai ertzetik

Itsas belarren usain hiroa dakarkizun

Eztitasun honek

        Urratzen zaitu.

        Isiltasuna ikasiko duzu:

Jaikitzen den egun

Bedera berez desafio bat delako

Hil ala biziko erronka horrek

        Ez du

Nehola ere espanturik

Onesten.

Amodiozko poema soilen ildoan

Gauaren irazkitik argi urrako zilarra

Apaltasun barreiatuko da.

        Iraun dezan desira ezazu.

Hautsak errautsa bezain
Itxaro Borda
Maiatz, Elebi 6, 2002ko azaroa