ZERUKO ERREGINARI

Kanta dezagun betan

Birjina Maria,

Zeruko tronuetan

Lorios jarria!

Detzagun Mariari

Hel gure bihotzak,

Aingeruen bozeri

Junta gure bozak.

Lilia baratzean

Baino garbiago

Zerurik gorenean

Altxatua dago.

Eder da iguzkia

Bere arrainekin

Ederrago Maria

Bere graziekin.

Nork gaitu beiratuko

Etsaien artetik?

Nork zerurat helduko

Maria zuk baizik?

Bere haurrak Mariak

Ez ditu ahanzten,

Harrek gaitu guziak

Zerutik arthatzen.