AITA BENEDITINOERI

                Ce Cantique fut composé pour l'installation
                des Pères Bénédictins à Belloc (Urt)

        Errefaua

Ongi-ethorri, Aita onak,

Jainkozko gizonak.

Nor dire hauk, heldu direnak

Desertuaren barnetik,

Gu salbatu beharrez jenak,

Iduri bertze mundutik?

Gure bekhatuen hobenak

Berek pagatzea gatik,

Hoiek dire ez ditezkenak

Bara penitentziatik.

Badu hamalau ehun urthe

San Benedit sortu zela.

Aberats, eder eta gazte,

Guti zen hura bezala.

Munduan salbatzea nekhe

Izanen zitzaiola,

Mundutarrek entzuten dute

Desertuan gorde dela.

Zer zoriona, zer bakhea

Beneditek desertuan!

Seguretik han salbatzea

Zein gozo zaion orduan!

Hargatik, non zagon gordea

Jakin baitzuten munduan,

Osteka sartu zen jendea

Haren batasun sainduan.

San Benediten familia

Geroztik zein den hedatu!

Legegabeen azkazia

Hark du jende on moldatu.

Familia haren hazia

Gure lurretan da sartu.

Zerutiar hoien bizia

Orori zaiku gorestu.

Munduko gozoen ondotik

Herratuak gabilzanak,

Ikusten dugu oraikotik

Nor diren dohatsuenak,

Jainkoa maitatuz gogotik

Zerurat xuxen dotzinak.

Hala nola, oroz gainetik,

Baitire Beneditinak.