EGUBERRI

                 Artzainek

        Gau min huntan,

        Argi eder hunek gu

        Nundik argitzen gaitu,

        Orai bet-betan?

                 Aingeruek

            Ez, ez izan

            Beldurrikan,

Salbatzailea baita sortu gau huntan.

            Huna nun den,

            Bethelemen,

Haur ttiki bat egina zuentzat hemen.

                 Artzainek

        Oi! hauxe da

        Aingeruzko kantua!

        Jausten zaiku zerua

        Guri lurrera.

                 Aingeruek

            Ez, ez izan

            Beldurrikan, etc...

                 Aingeruek

            Heia txar bat,

            Hura da sor lekhua

            Duena hautatua

            Jaunak beretzat.

                 Artzainek

            Guazen, guazen,

            Higi gaiten;

Bethelemerat gaitu Jaunak galdetzen.

            Haur maitea

            Gure beha

Lastoan han dagoku, Salbatzailea.

                 Aingeruek

            Zein maiteki

        Duen amak troxatzen,

        Bulharrez kontsolatzen,

        Haur gaixo hori!

                 Artzainek

            Guazen, guazen,

            Higi gaiten; etc...

                 Aingeruek

                O gizona,

        Hi salbatu beharrez

        Zagok haurra nigarrez,

            Askan etzana.

                 Artzainek

            Guazen, guazen,

            Higi gaiten; etc...

                 Aingeruek

              Jainkoari

            Loria zeruetan;

        Bakea mundu huntan

            Jende onari.

                 Artzainek

            Guazen, guazen,

            Higi gaiten;

Bethelemerat gaitu Jaunak galdetzen.

            Haur maitea

            Gure beha

Lastoan han dagoku, Salbatzailea.