Bigarren Ikasbidia

Sakramentuben gainian

        I: Zer da Sakramentuba?

        E: Da ezin ikusi daitekian grazia baten irudi, edo ezagugarri agirikua, Jesu Kristo geure Jaunak itxia gure arimak garbitu, ta graziaz beteteko.

        I: Zegaitik dinozu Sakramentuba dala irudi, edo señale bat?

        E: Zerren ezagueragiten deuskun eztakuskun grazia, berak gure arimetara dakarrena.

        I: Zegaiti dinozu irudi, edo señale onek agiriak dirala?

        E: Zerren geure begiakaz dakuskuzan: nola dan batiuan ura, oliazinoian orio Santuba, ta añbeste Sakramentubetan.

        I: Zegaitik dinozu ezin ikusi daitianaren irudia, edo señalia?

        E: Zerren berenez eztazaugu grazia geure zenzunakaz, dalako gauza itxurarik, ta gorputz gabia.

        I: Nundik dakarre Sakramentubak gure arimak garbitu, ta graziaz betetako indarra?

        E: Jesu Kristo geure Jaunaren pasinoe, ta eriotzatik.

        I: Zelan jazoten (sic) au?

        E: Sakramentu batzuk emoten deuskube len ez geunkan grazia santututen gaitubana; onek dira Batiua, ta Konfesinoia, ta deituten dira illen Sakramentubak, zerren artu daikez pekatubaz illda dagozanak.

        Bestiak geituten deuskube grazia au, ta emoten jake sakramentu bizien izena: zerren egon biar dogun geienez graziaz bizirik, eurak artzeko.

        I: Zelan emoten, edo geituten deuskube grazia Sakramentubak?

        E: Jesu Kristo geure Jaunaren eriotzako irabazi, edo meritubak geure arimai ezarriaz.

        I: Sakramentubetara eltzen dirian guztiak artu darue grazia?

        E: Ez: zerren eztira guztiak eltzen biar diran disposizinoe, edo prestamentubakaz.

        I: Ondo prestau baga, Sakramentubak artzeia, pekatu andia da?

        E: Bai: da pekatu eskerga, ta ikaragarri bat, zein izentetan dan sakrilejiua.

        I: Eztabe Sakramentubak beste gauzarik emoten grazia baño?

        E: Bai: badira iru Sakramentu Karaktera, edo silluba ariman ezarten deuskubezanak; onek dira Batiua, Konfirmazinoia, ta Ordia; eta orregaitiño ezin artu leitez Sakramentu onek bein baño.

        I: Zer da arimako karakter au?

        E: Da sillu espiritual bat gure ariman ezarria, ta inoz desegin, edo kenduko ez dana, ta iraungo dabena Infernuban, ta Zeruban bere.

        I: Zenbat dira Sakramentubak?

        E: Zazpi bakarrik, eta dira: Batiua, Konfirmazinoia, Konfesinoia, Komuninoia, Oriazinoia, Ordia, Ezkontzia.

        I: Zer atera biar dogu ikasbide onetatik?

        E: Esker andiak emon Jainkuari, itxi deuskuzalako Eleisan ainbeste ondasun, ta osabide.

        Euki errespeto andi bat Eleisiak Sakramentubai urreratu dituban gauza guztiai: nola diran ur, ta ogi bedeinkatuba, onzi, ta soñoko santubak, ta guztiz Sazerdote Jaunak.