Bigarren ikasbidia

        I: Zeinbat Jangoiko dira?

        E: Bat bakarrik, ta ezin inalabere izan leitez Jangoiko asko.

        I: Eta zeinbat Persona dira Jainkotasun bakar orretan?

        E: Iru, Aita, Semia, ta Espiritu Santuba.

        I: Zelan eztira bada iru Persona oneek Jangoiko bakar bat baño?

        E: Zerren bakarrik dabeen Jangoikotasun, ta izate bat.

        I: Nogandik dakar bere izatia Aita Eternuak, edo Betikuak?

        E: Inogandik bere ez.

        I: Eta Semiak?

        E: Aitaganik.

        I: Eta Espiritu Santubak?

        E: Aita, ta Semiaganik.

        I: Eta badago iru Personen artian bata baño bestia zarragorik, indartsubagorik, edo andiagorik?

        E: Ez; irurak dira bardiñak gauza guzti onetan, eztabelako izate bat baño.

        I: Zelan inzentetan da Misterio, edo ezkutapen miragarrizko au?

        E: Trinidade, edo Irutasun txito Santuba.

        I: Zer da Trinidade txito Santuba?

        E: Da Jangoiko bakar bat iru Personetan, zeintzuk dirian Aita, Semia, ta Espiritu Santuba.

        I: Zelan egiten da onen gañeko egikai, edo akto bat?

        E: Neure Jangoikua, sinisetan dot sendo, zu zariala Jangoiko bakar bat iru Personetan, zeintzuk dirian Aita, Semia, ta Espiritu Santuba.

        I: Zer atera biar dogu ikasbide onetatik?

        E: Adorau biotz osuaz iru Personak, eskini geure egite on guztiak, ta eskerrak emon erakutsi deuskulako Misterio au.