ASMO TXALOGARIA

Amayur, CXXIII, 1933-IX-29

        Joseba Imanol, Leitzakoa, euzkel idazle trebetzat azaldu zaigu joan den igandean. Ongi etorri, gizona, ta ekatzu bosteko ori agur sutsugisan. Minean jo du gaia idazle onek esaten duelarik euzkeraz guti egiten dela Naparran. Baiki, guti La Voz-en, guti Amayur-en, orotan guti. Ta galdetzen du, ez leike egunero La Voz-en zati bat naiz txikiagoa izan, euzkeraz idatzi? Ta astero, Amayur-en erdia? Ortan gaude gu ere idazkide ori, guti idazten dela. Naparran euzkeraz idazten mirrixari so, nork erranen luke ura dugula aurrera-bidean? Eiki, zerbait geixeago egin bearko litzake. Euzkel-idazleak ordean eskax dira ta direnak bestelako laneri ditugu atxikiak bein baño geiagotan. Kexu ikusten dugu euzkelzaliok idazlien uko au. Izperringian aldiz ez bide dira andizki grinatzen euzkel-saila ez agertuz. Irakurleak ote? Salbu Joseba Imanol ta gu, zer ontan gogortuta aspalditik, garabik ez. Noizpeinka iduri sukila bizkortzen dela subazterra alaituz. Guti irauten du, gauzak lengo einera gabe. Bizkortze ok baginaki joritzen, bederik, olako batean sartuko ahal ginuen asmo on bat edo bat.

        Zer nai den ere, La Voz-en agertu dire gauzak euzkeraz, ez ordean oroek naiko genituen gisakoak. Orobat nola erderaz den solas egunoroko gertakariez, ola nai ginuke guz euzkeraz. Oneri gaude gu ere bañan askotxu da egunoro egiteko. Ortarako beartuko litzake idazle bat beartu arakoa. Ez dugu orañik etorria ordu au Naparran beintzat. Bañan egunoroko sail au ordaintzeko ateratzen ezbada, izan leike orri edo orrialde bat aste oro, El Pueblo Vasco Donostikoan agertzen den itxurakoa. Onela irakurliek aste guzitan izan lezakete euzko-gogoa asetzeko alapidea. Antsigarria izanez, idazleak mugituko lituke errietan. Idazle-autabearrik ez, aski da berrikariak izan ditezen, xumieneko berriak bialtzeko, malko-ziztorrak eta euzkaraminezko zingurin oriek aldera utzita. Ola jator ta eratsu etorriko litzake orrialdea ta guzion gogarako.

        Betire ongi xina egiten diogu Joseba Imanoli. Pozten gera euzkel-idazlien aintoa gotortzen dela Naparran, auxe dugu-ta. Elikatan gabiltza aspaldi ontan. Ona muga propia orri edo orrialde au egitekoa. Joseba Imanolekin batio agertzen balakigu beste idazleren bat, tira, orrialde aterako ginuke zur edo bulur. Geroxeago gauzak berez goanen lirakela nago, abiada artuta. Orrialde au edo orrialde erdia asi egiten edolan ere, igandekotz egin leike ba lana gertatu astearen artean, emeki emeki egin al izateko. Berebiziko erritarra dugu Joseba Imanol, leitzarra bearrik ere. Leitzak gauzatan dauka pila bat, euzkaldunen leia pizteko. Leitza ta inguruko erriek non eta bizi beita mardul-mardula euzko-gogoa.