OGEITA BOSTGARREN DOTRIÑA

Jesu-Kristoren presentazioa,
eta Maria Birjiña Santisimaren
purifikazioa Jerusalengo Tenploan.

        Jesu-Kristo gure Jaunaren gizon egite guztiz miragarria: aren jaiotza pobre, humill, eta nekez betea: baña Aingeruak, arzaiak, eta Erregeak, urrutitik etorririk, ezagutua, honratua, eta eren jabe, eta Errege soberanoarena bezela adoratua: eta orobat aren Zirkunzisioko misterio humillagarria, penagarria, eta lotsagarria, pekataria balitz bezela, pekatuarentzat zegoan erremedioa artzen zuela: baña aren ondoren bereala Jesusen, edo guzion Salbadore egiazkoaren izen adoragarriarekin, Jaungoiko eta gizon egiazkoa zala, Zeruko Aingeruak deklaraturik, edo agerturik, ikusi dezue, N.K., aditu dituzuen Jesu-Kristoren aurtasuneko misterio guziz gozo, eta maitagarrietan. Guzietan nor zan, eta zertara Zerutik etorri zan erakutsi zigun, aur txikia bazan ere, Zeruko gure gidaria, eta Maisua zanak bezela: bada guzia bere neurribageko jakinduriarekin, eta gure salbazioaren deseo irazekiarekin, bere Aita Eternoaren honrarako, eta gure onerako zuzentzen zuen, au da, beraganako fede bizi, esperanza irmo, eta amorio andi bat gure biotzetan sortzeko, eta ori bera, oraiñ aditzera eman bear dizuedan Jesu-Kristoren beraren Presentazioko, eta Ama Birjiñaren Purifikazioko misterio andietan ikusiko dezue: eta guzion probetxurako izan dedin, eskatu dezagun gogotik Espiritu Santuaren argia, eta grazia Maria Santisimaren beraren bitartez. Abe Maria.

        G. Zer agindu zuen gure Jaungoikoak Moisesi eman zion legean presentazioaren gañean? E. Seme nagusi, edo primojenito guziak lenbiziko jaiotzen ziranak Jaunari berari presentatu, edo ofrendatu bear ziozkatela eren gurasoak: eta erreskatatu, edo erredimitu bear zituztela orduan bertan, ofrenda bat aekgatik egiñaz.

        G. Jaungoikoak zertako ordenatu, edo eman zuen lege ori? E. Israeldarrai beti gogora ekarteko, edo oroitu eragiteko, nola aen Asabak, eta pueblo guzia Ejiptoko Errege Faraon gogorraren mendetik, edo katiberiotik libratuak izan ziranean; Ejiptoko seme nagusi guziak Aingeru baten bitariez illerazo zituan gure Jaungoikoak: eta orduan bertan aen artean bizi ziran Israeldar guzien seme nagusiak eriotzatik gordeak, edo libratuak izan ziran. Eta orretako agindu zien, aurretik Pazkuako bildotsaren odolanekin Israeldarren ate guziak markatzea, edo señalatzea: eta orrek esan nai zuen, guziokgatik sakrifikatua izango zan Jesu-Kristo bildots inozentearen odolarekin libratuko giñala deabruaren mendetik, eta betiko eriotzatik.

        G. Eta zer agintzen zuen legeak emakumeen purifikazioaren gañean? E. Agintzen zuen, seme egiten zuen andre guziak zetozela Tenplora berrogeigarren egunean: eta alaba egiten zuenak larogeigarren egunean, purifikatuak izatera: eta aberatsak baziran, urtebeteko bildots bat, eta usakume, edo tortola bat ofrendatu zezatela: eta pobreak baziran usakume bi edo tortola bi bakarrik.

        G. Eta lege ori zertako zan? E. Aditzera emateko, Adan gure lenengo gurasoaren pekatua ezkero, guziok jaiotzen gerala pekatuarekin loiturik, zikiñdurik, edo mantxaturik: eta guziok degula purifikatu, edo garbitu bearra.

        G. Eta lege orretara obligaturik zeuden Jesu-Kristo gure Jauna, eta bere Ama Maria Birjinia guztiz Santa? E. Ez: zergatik Jesu-Kristoren sortzean, eta jaiotzean etzan arkitu pekatuaren kutsurik, edo mantxarik batere Maria Birjiñagan: eta etzuen purifikatukizunik: eta Jesu-Kristo Jaungoiko bezela, bera zan lege emallea: eta etzegoan legearen azpian.

        G. Zergatik bada, Amak, eta Semeak lege oni obedezitu nai izan zioben? E. Bere ejenploarekin guri humiltasuna, eta obedienzia erakusteko: eta aitzakiarik billatu bage Jaunaren lege Santua gordetzen erakusteko.

        G. Eta zer egiñ zuan Jesu-Kristok bere Amak Tenploan presentatu, eta Aita Eternoari ofrendatu zionean? E. Bere burua, edo zan guzia biotz guztitik ofrezitu zion bere Aitari sakrifziorik egokiena, preziatuena, eta atsegiñgarriena bezela, Jaungoikoaren beraren honrarako, eta gure pekatuen pagurako. Etzan alabaña Tenplo artan aiñ balio andiko sakrifiziorik inoiz ere ofrezitu: eziñ kontatu ala sakrifizio on ofrezitzen baziran ere: bada guziak ziran Jesu-Kristoren sakrifizioaren itzalak, edo figurak: eta etzuen berez birtuterik, eta baliorik, Jesu-Kristoren sakrifizioaren antz bat bakarrik ziralako baizik.

        G. Eta presentazioko legeaz kunplitzeko, zer ofrendatu zuen Maria Santisimak? E. Legeak agintzen zuen bezela eman zituan bost siklo, edo bost diru, bost peseta, gutxi gora bera balio zuenak.

        G. Eta puritikazioko legeaz kunplitzeko, zer eman zuen? E. Usakume bi, edo tortola bi; pobrenzat agindurik zegoan bezela.

        G. Eta ofrenda miragarri ori Tenploan egiten ari zirala, zer gauza andirik gertatu zan? E. Espiritu Santuak erakarri zituan Tenplora Simeon zeritzan agure santu bat: eta Ana zeritzan alargun zar santa bat, bere denbora guzia barau, eta orazio egiten enpleatzen zuena, profeziako doaia zuena, eta beti Tenploan egon oi zana. Aspaldian Simeon Santua bere, eta guzion Salbadorea bere begiakin ikusteto deseo, eta ansiarekin zegoan: eta Espiritu Santuak errebelatu, edo aditzera eman zion, zorion andi ori iritsiko zuela ill baño lenago: eta ala kunplitu zion. Agure Santu ark Espiritu Santuaren argiarekin ezagutu zuen, gure Jesus aur txiki Jaungoikozko ura zala, esperatzen zegoan guzion Salbadorea, egiazko Kristo, edo Mesiasa: bere besoetan artu zuen: eta pozez, edo atsegiñez beterik Jaungoikoari eskerrak ematen abiatu zan: eta orduan esan zuen oraiñ Elizako ofizio, edo errezoan egunoro esaten dan kantiko miragarri bat, Jesu-Kristoren alabanzan: eta ona zer esan nai duen: orain, Jauna, zure hitzaz, edo promesaz batera zure serbitzaria mundu onetatik pakean joango da: bada nere begiak munduari eman diozun salbatzallea ikusi due: onek jende, edo pueblo guziak argituko ditu, au da, pekatuaren itxumenetik aterako ditu, eta Zeruko bidea erakutsiko die: eta bera izango da Israelgo honra, eta gloria. Eta kantiko orren ondoren Ama Santisimari bere Seme maitea biurtu zion: eta esan zion: au izango da askoren kondenaziorako, eta beste askoren salbaziorako Israelen: au da, askok itxuturik, eta gogorturik ezagutu naiko eztue, persegituko due, eta illerazoko due: eta eren kulpaz kondenatuko dira: baña beste askok beragan sinistuko due, jarraioko diobe, eta salbatuko dira: eta zure semeak sufrituko dituan naigabeak, eta tormentuak, ezpata zorrotz batek bezela, zure anima, edo biotza erdiratuko due: batetik bestera igaroko due, eta penaz, eta dolorez beteko due.

        G. Eta orduan Tenploan arkitu zan Ana alargun santak zer egin zuen? E. Ark ere Zeruko argiarekin ezagutu zuen Jesu-Kristo bere, eta guzion Salbadorea: adoratu zuen bere biotz guziarekin eta arrezkero aren berri onak ematen zien, Salbadorea, edo Mesiasa esperatzen zeuden guziai.

        G. Eta Jaunaren legearekin Tenploan osoro kunplitu ezkero, zer egin zuen Maria Santisimak, eta Aita San Josek? E. Itzuli ziran Galileako probinziara, Nazaretgo eren errira, eta etxera, berekin zeramela gure Jesus aur dibinoa: eta zerren erri artan izan zan, Nazarenoa deitu zioben: aurretik Profetak esan zuen bezela.

        G. Eta oraiñ esan ditugun presentazioko, eta purifikazioko misterio andi oek biok Kristauai gogoratzeko, eta obeto zelebratu eragiteko, zer zeremonia eragiten ditu Eliza Ama Santak? E. Bi eragiten ditu: eta 1. da kandelaen bedeinkazioa: eta orregatik Kristauak misterio andi oen egunari deitzen diobe Kandelari eguna: edo Ama Birjiña Kandelariokoa: eta 2. da, egun onetan egiñ oi dan prozesioa.

        G. Eta zertako egun onetan kandelak bedeinkatzen dira, eta dauzkate irazekirik Kristauak eskuetan mezako denbora batean? E. 1. Aditzera emateko, Kristau guziok Simeon santuarekin batera poztutzen, eta alegratzen gerala Jesu-Kristo gure Salbadorea ezagutzeko zorion andia izan degulako: eta bera dala munduko guzien argia, eta Israelgo gloria: 2. Erakusteko, argitu bear ditugula gure lagun guziak dotriñako egiak al deguneraño erakutsiarekin, eta obra onaen ejenploarekin.

        G. Eta zer aditzera ernaten du presentazioko egunean egiten dan prozesioak? E. 1. Simeon santuak, eta Ana alargun santak eman zituen pausoak Tenplora joan ziranean: eta 2. Ama Birjiña Santisimak, eta Aita San Josek egiñ zuen biajea Belendik Jerusalena, Tenploan presentatzera Jesu-Kristo eren aur dibinoa eraman zuenean.

        G. Eta orain zer frutu, edo probetxu atera bear degu gaurko dotriñatik? E. Jesu-Kristo gure Jauna, eta gure Maisua, edo gidaria bera, gugatik aiñ amorio andiarekin bere Aita Eternoari ofrezitu zitzaion ezkero; berarekin uniturik gure buruak osoro Jaungoikoari ofrezitu, eta konsagratu bear diozkagu, aren borondate santua gauza guzietan egiteko deseo bizi, eta eragille batekin: eta ori benetan egiten degulako señalean, gure biotzak garbitu bear ditugu pekatutik, eta pekaturako ditugun griña gaiztoetatik: eta batez ere, Jesu-Kristok aiñ igui dituan soberbiatik: gutizia, edo abariziatik: eta aragiaren gurari zikiñetatik: eta ori guzia iristeko maite izan bear degu, Jesu-Kristok, eta Ama Santisimak beren ejenploarekin erakutsi ziguen egiazko humiltasuna: ez bakarrik kanpotik agertzen dana, baita ere, eta oraindio obeto, biotzekoa: gure ezereza, gure gaiztakeria: eta gerez bakarrik gauza onik ezin egin ala erakusten diguna: bada gure barruan humillatzen ezpagera, kanpoko humilltasunak ezer balioko eztigu: eziñ Jesu-Kristori jarraioko diogu: gure barruko soberbiak itxutuko gaitu: penitenzia egiazkorik eziñ egingo degu: eta eziñ salbatuko gera: baizik deabruarekin batera betiko kondenatuko gera; eta kontrara egiazko humilltasuna gure biotzean badegu, Jaungoikoa guzaz errukituko da: argituko gaitu: bere grazia ugaria emango digu: eta arekin batera bear ditugun indarrak ere bai, gere griña gaizto guziak eskuratzeko: eta Jaunaren lege santua kontuz ezeze, gogotik, eta gustoz gordetzeko: eta orduan erraz goituko degu ondasun gura, edo gutizia eragabea: eta maite izango degu biotzeko, edo espirituko pobreza santua: eta aragia ezirik edukiko degu espirituaren mendean: eta animako, eta gorputzeko garbitasuna erraz gordeko ditugu: eta orrela Simeon santuak bezela gure zoriona Zeruan bakarrik esperatuko, eta billatuko degu: eta eztegu gure biotza munduan josirik edukiko, baizik aren gisa, Jaunak nai duenean, pakean mundu triste onetatik igaroko gera, eternidade guziko pakea, deskansua, eta gloria gozatzera; Jesu-Kristok guretzat irabazi zuen Zeruko erreinua. Amen.